अब जसपा पार्टी नै खारेज हुने

काठमाडौं। जनता समाजवादी पार्टी(जसपा) खारेजको माग गर्दै सर्वोच्च अदालतमा रिट दर्ता भएको छ। आइतबार अधिवक्ता राजकुमार थापाले रिट दर्ता गरेका हुन्।

दुई पार्टी मिलेर बनेको जसपाको एकता प्रक्रिया नै त्रुटिपूर्ण रहेको दाबी गर्दै थापाले रिट दायर गरेका हुन्।

सर्वोच्चमा दर्ता भएको यस रिटमाथि सुनुवाइका लागि बुधबारलाई पेशी तोकिएको छ। गत वर्ष बैशाखमा तत्कालीन समाजवादी पार्टी र राष्ट्रिय जनता पार्टी एक भई जसपा बनेको थियो।

सत्ता समीकरणका विषयमा पार्टी दुई खेमामा विभाजित भएपछि अहिले आधिकारिकताको विवाद निर्वाचन आयोगमा अड्किएको छ।