बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

कमला नदीको बाढीले बाँध कटान थालेपछि

 ५ श्रावण २०७८, मंगलवार  

धनुषा ।  कमला नदीको बाढीले बाँध कटान थालेपछि धनुषाको पूर्वी क्षेत्रका स्थानीयलाई सतर्क गराइएको छ । सोमबार राति कमला नदीमा आएको बाढीले सबैला नगरपालिका–१३ किरतपुरमा नदीको पश्चिमतर्फको बाँध कटान गरेको हो । बाढीका कारण ६ सय मिटर बाँध जोखिममा परेको छ ।

 

बाँध कटान गर्न थालेपछि बाढीले डुबान हुन सक्ने क्षेत्रमा प्रहरी परिचालन गरी स्थानीयलाई सतर्क गराइएको र बाँध मर्मतका लागि नेपाली सेना, सशस्त्र प्रहरी परिचालन गरीएको धनुषाका प्रमुख जिल्ला अधिकारी बन्दुप्रसाद बास्तोलाले बताए । ‘बाढीको बेगले आधाभन्दा बढी बाँध बगाएको जानकारी आएपछि हामी उतै जाँदै छौं,’ प्रमुख जिल्ला अधिकारी बास्तोलाले भने, ‘बाढी बस्ती क्षेत्रमा पस्ने सम्भावना बढेको छ । बाढीले सहिदनगर नगरपालिका, कमला नगरपालिका, जनकनन्दनी गाउँपालिका र सबैला नगरपालिकाको गाउँहरु डुबानमा पर्ने खतरा छ ।’ बाँध बचाउन नेपाली सेना र सशस्त्र प्रहरी मंगलबार बिहानैदेखि परिचालन गरिएको उनले भने ।

 

धनुषातर्फ किरतपुर र ढोलबज्जमा कमलाको बाढी बाँध कटान गरेको कमला नदी नियन्त्रण आयोजना कार्यालयका प्रमुख एकराज भट्टराईले बताए । कटानबारे माथिल्लो निकायमा जानकारी गराएको उनले बताए । कटान क्षेत्रमा बाँध बचाउन र मर्मत गर्न बजेट नभएको उनले बताए । अर्थ मन्त्रालयले विपद् नियन्त्रण गर्ने अपातकालिन बजेट कटौती गरेका कारण बाँध बचाउन समस्या भएको उनले बताए । स्थानीयले खेतबारीको रुख काटेर बाँध बचाउन जुटेको स्थानीय श्यामसुन्दर महतोले बताए ।  कान्तिपुरबाट

फेसबुकबाट तपाईको प्रतिक्रिया सबै
भिडियो सबै