बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

धनुषाको सखुवामा कुटपिट गरी एक दलित युवकको हत्या

 २६ श्रावण २०७८, मंगलवार  

विनोद महतो पत्रकार को पोष्ट बाट लिएको तस्वीर

धनुषाको सखुवा नयाँ टोलमा आपसी झगडामा एक जनाको मृत्यु

 

विनोद महतो

महेन्द्रनगर, श्रावण २६ ।
आपसी विवादमा कुटाकुट हुँदा धनुषामा एक जनाको ज्यान गएको छ । आपसी विवादमा झै झगडा हुँदा धनुषाको क्षीरेश्वरनाथ नगरपालिका वडा नं. ६ सखुवा बजार नयाँ टोल करिव ३५ वर्षीय ओम मल्लिक डोम (चेंग्वा डोम) को ज्यान गएको छ । ओमको उपचारको क्रममा विराटनगरस्थित नोबेल अस्पतालमा गएराति मृत्यु भएको पारिवारिक स्रोतले बताएको छ ।

श्रावण १८ गते सोमबार राति १० बजेको समयमा आफ्नै छिमेकी २७ वर्षीय राकेश राय कुर्मीसँग ओमको आपसी विवादमा झगडा भएको थियो । झगडाकै क्रममा राकेशले ओमको पेट र आतमा काठको भाटा (विलैया) र मुक्काले प्रहार गरेका थिए भने राकेशको दिदी ३५ वर्षीया रिंकी देवी कुर्मीले टाउँकोमा चिर्पट प्रहार गरेका कुरा मृत्तक ओमका भतिज लक्ष्मण मल्लिकले बताए । लक्ष्मणका अनुसार राकेशले भाटा, खुकुरी लिएर घरबाटै निस्कदैँ ओमको पेटमा भाटा र मुक्का प्रहार गरेको थियो भने टाउकोमा समेत चिर्पटले प्रकार गरेको थियो । यस्तै सोहि क्रममा गम्भीर अवस्थामा पुगेका ओमको तत्कालै महेन्द्रनगरमा प्राथमिक उपचार गरिएको थियो । तर अवस्था गम्भीर भएपछि जनकपुर रेफर गरिएको थियो ।

 

जनकपुरमा समेत उपचार सम्भव नभएपछि धरान रेफर गरिएको र धरानमा पनि अवस्था विग्रदै गएपछि विराटनगरस्थित नोबेल अस्पतालमा रेफर गरिएको थियो । त्यहाँ उपचारकै क्रममा गएराति श्रीमानको मृत्यु भएको ओमकी श्रीमति गिता देवीले बताईन् ।
यता ओमको मृत्यु भएपछि राकेश अहिले फरार भएका छन् भने प्रहरीले पनि घटना विषयमा कुनै चासो नदेखाएको पीडित परिवारजनको गुनासो छ । १८ श्रावणमा झगडा भएको र १९ श्रावणको दिन मंगलबार ईलाका प्रहरी कार्यालय महेन्द्रनगरमा निवेदन दिएको बताउँदै प्रहरीले हत्याका आरोपी झगडिया राकेशलाई पक्राउ नगरेको भन्दै पीडित परिवारका आफन्तजन आक्रोशित भएका छन् ।
यसैबीच ईलाका प्रहरी कार्यालय महेन्द्रनगरले घटनाको अनुसन्धानका लागि घटनासँग सम्बन्धित एकजनालाई नियन्त्रणमा लिएर अनुसन्धान शुरु गरिएको जनाएको छ । ईलाका प्रहरी कार्यालय महेन्द्रनगरका प्रहरी निरिक्षक ( ईन्सपेक्टर) तिलक बहादुर सुनारले घटना सम्बन्धमा निवेदन परेको र घाइतेको उपचारको क्रममा मृत्यु भएको खबर लगतै घटनासँग सम्बन्धित एक जना महिलालाई नियन्त्रणमा लिएर अनुसन्धान सुरु गरिएको बताएका छन् । ईन्सपेक्टर सुनारले नियन्त्रणमा लिएको व्यक्तिको नाम खुलाउन चाहेनन् ।
यता ओमको शव विराटनगरमै पोष्टमार्टम पश्चात सखुवा महेन्द्रनगर ल्याइदै छ । शव महेन्द्रनगरमा ल्याएर ईलाका प्रहरी कार्यालय महेन्द्रनगर अगाडी हत्यारालाई पक्राउ र कारवाही गर्न मादवाव दिने पीडितका आफन्तहरुले बताएका छन् ।
मृत्तक ओमको एक श्रीमति, दुई छोरी र एक छोरा रहेका छन् ।

फेसबुकबाट तपाईको प्रतिक्रिया सबै
भिडियो सबै