बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

जनकपुर-जयनगर रेलसेवा सञ्चालनमा किन आएनन् ? यस्तो छ कारण

 २९ श्रावण २०७८, शुक्रबार  

भारतीय कोंकण रेल्वे कर्पाेरेसन लिमिटेडले नेपाल रेल्वे कम्पनीलाई पत्र लेखेर जयनगर–कुर्था रेल सञ्चालन तथा व्यवस्थापन बापतको अग्रिम भुक्तानी तत्कालै उपलब्ध गराउन अनुरोध गरेको छ।

कोंकण कर्पाेरेसन लिमिटेडका चिफ मेकानिकल इन्जिनियर दिनेश त्रिपाठीले बुधबार नेपाल रेल्वे कम्पनीका महाप्रबन्धकलाई पत्र लेखेर यथाशीघ्र जयनगर–कुर्था रेलसेवा सञ्चालन बापतको २० प्रतिशत अग्रिम भुक्तानी गर्न अनुरोध गरेका छन्।

कम्पनीले दुईपक्षीय ठेक्का सम्झौता अनुसारको २० प्रतिशत अग्रिम भुक्तानी गर्न अनुरोध गरेको हो। नेपाल रेल्वे कम्पनी र भारतीय कोंकण रेल्वे कर्पाेरेसन लिमिटेडबीच रेल सेवा सञ्चालन, मर्मतसम्भार, नेपाली कर्मचारीलाई तालिम तथा भारतीय रेलका चालक लगायतको खर्चको लागि २२ करोड भारुमा सम्झौता भएको थियो।

सम्झौता अनुसार नेपालले २० प्रतिशत अग्रिम भुक्तानी गर्नुपर्नेमा अहिलेसम्म गरेको छैन। नेपाल रेल्वे कम्पनीका पूर्वमहाप्रबन्धक गुरूप्रसाद भट्टराईले सरकारले ठेक्का सम्झौताअनुसार भारतीय कम्पनीलाई भुक्तानी नगरेको खण्डमा ठेक्का रद्द हुन सक्ने बताए। ‘मैले आवश्यक प्रक्रिया पूरा गरेर ठेक्का सम्झौता अनुसारको २० प्रतिशत अग्रिम भुक्तानी गर्न खोजेको बेला सरकारले स्पष्टीकरण सोधेपछि भुक्तानी प्रक्रिया रोकिएको हो,’ उनले भने, ‘अहिले त मैले राजीनामा दिइसकें। त्यसैले नेपाल सरकारले यो रेल सञ्चालन गर्ने भए पूर्ववत् रूपमा भएको ठेक्का सम्झौता अनुसार भारतीय कम्पनीलाई भुक्तानी गर्नुपर्छ।’

भट्टराई सरकारले समयमै भुक्तानी नगर्दा भारतीय पक्षले सम्झौता रद्द गर्ने आशयको पत्र लेखेको बताउँछन्। ‘म पैसा पठाउन र रेल चलाउन तयार भएको बेला स्पष्टीकरणको नाटक मञ्चन गरियो। उसले सम्झौता रद्द गर्‍यो भने दुइवटा रेल कबाडीमा जानेछ,’ पूर्वमहाप्रबन्धक भट्टराईले सामाजिक सञ्जाल फेबबुकमा पत्र राखेर लेखेका छन्। मैले हिजो राजीनामा दिएको थाहा पाउनेबित्तिकै रेल सञ्चालनको मुख्य भूमिकामा सम्झौता गरेको कोंकण रेल्वेले सम्झौता रद्द गर्ने आशयको पत्र लेखेको छ।’  यो समाचार नागरिक दैनिकमा छ ।

फेसबुकबाट तपाईको प्रतिक्रिया सबै
भिडियो सबै