बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

विशाल भट्टराईको प्रश्न : मेन्टली फिट हुनुहुन्न भन्ने शब्दहरु संसदको गरिमा हो ?

 २९ श्रावण २०७८, शुक्रबार  

सभामुख अग्निप्रसाद सापकोटाले सांसद मातृका प्रसाद यादवले बिहीवारको प्रतिनिधि सभा बैठकमा बोल्नुभएको केही शब्दहरु हटाउन रुलिङ गरेका छन् । शुक्रवारको प्रतिनिधि सभा बैठकमा सभामुख सापकोटाले बिहीवारको बैठकमा सांसद यादवले बोल्ने क्रममा प्रयोग गरेको शब्द प्रतिनिधि सभा नियमावलीको नियम २१को खण्ड(ङ) को प्रतिकुल हुने देखिएको भन्दै सो शब्द सचिवालयको रकर्डबाट हटाउन रुलिङ गरेका हुन् ।

उनले भने – ‘हिजो विशेष समयमा मान्य श्री मात्रिका प्रसाद यादवले बोल्ने क्रममा प्रयोग गर्नुभएको मेन्टली, फिजिकल्ली फिट हुनुहुन्न भन्ने शब्दहरु प्रतिनिधि सभा नियमावलीको नियम २१ को खण्ड(ङ) को प्रतिकुल हुने देखिएकोले उक्त शब्दहरु सचिवालयको रेकर्डबाट हटाउन सचिवालयलाई निर्देश गर्दछु ।’

शुक्रवारको बैठकमा नेकपा(माओवादी केन्द्र)का सांसद मातृका यादवले नेकपा एमालेका अध्यक्ष तथा पुर्व प्रधानमन्त्री केपी शर्मा ओली मेन्टली र फिजिकली ठिक नभएको बताएका थिए । सभामुखले रुलिङ गर्नुअघि नेकपा(एमाले)का प्रमुख सचेतक विशाल भट्टराईले संसद निम्छरा शब्दहरु प्रयोग गर्ने ठाउँ नभएको भन्दै संसदको इज्जत र प्रतिष्ठा बचाउनका लागि यादवले प्रयोग गरेको असंसदीय र अमर्यादित शब्दहरु रेकर्डबाट हटाउन माग गरेका थिए ।

उनले भने – ‘यो ठाउँ जथाभावि शब्द प्रयोग गर्ने ठाउँ होइन । निम्छरा शब्दहरु प्रयोग गर्ने ठाउँ होइन यो । यो ठाउँ भनेको जनताका भावनाहरु प्रतिविम्बित हुनुपर्ने ठाउँ हो । तर यो ठाउँमा जसरी शब्दहरु प्रयोग गरियो, एकजना माननीयले अर्को कोही माननीयलाई इंगित गरेर गम्भिरतापूर्वक गाली गर्ने हो भने यो संसद कस्तो बन्ला ? इतिहासको खोजि गर्नेहरुले नेपालको संसदको अध्ययन गरे भने के चिज भेट्टाउलान् सभामुख महोदय ? के गालि गलौज मात्रै यो संसदको गरिमा हो ? हामीले प्राप्त गरेको उपलब्धी यसैमा सम्नीहित छ ? त्यसकारण आज म फेरीपनि उठेर नेकपा एमालेको तर्फबाट सभामुखज्यू ध्यानाकर्षण गराउन चाहान्छु, हामीले प्राप्त गरेको यो उपलब्धीलाई संस्थागत गर्नाका लागि नेपाली जनताको गरिमामय संस्थाको इज्जत बचाउनका लागि र प्रतिष्ठा बचाउनका लागि हिजो प्रयोग गरिएका ति असंसदीय र अमर्यादित शब्दहरु रकर्ड बाट हटाउनुपर्छ भन्नेकुरा म जोडदार रुपमा माग गर्न चाहान्छु ।’

प्रमुख सचेतक भट्टराईले केपी शर्मा ओली सत्ताबाट बाहिरिइसकेपछि पनि संसदमा सत्ता पक्ष जस्तो ठानिएको र गालीको केन्द्रविन्दू बनाइएको भन्दै त्यस खालका गतिविधिहरु बन्द गरी संसदलाई मर्यादित बनाउन समेत ध्यानाकर्षण गराए । नेपाल टाइम्स

फेसबुकबाट तपाईको प्रतिक्रिया सबै
भिडियो सबै