बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

कक्षा १२ को परीक्षा भौतिक उपस्थितिमा गराउन सरकारलाई निर्देशन

 ८ भाद्र २०७८, मंगलवार  

 काठमाडौं ।  कक्षा १२ को परीक्षा भौतिक उपस्थितिमा गराउन संसदीय समितिले सरकारलाई निर्देशन दिएको छ ।

मंगलबार बसेको संसदको शिक्षा तथा स्वास्थ्य समितिको बैठकले जनस्वास्थ्यका मापदण्ड पालना गरी भौतिक उपस्थितिमा तत्काल परीक्षा गराउन निर्देशन दिएको हो ।

समितिकी सभापति जयपुरी घर्तीले जनस्वास्थ्यका मापदण्ड पालना गरी अन्य परीक्षाहरु भइरहेको भन्दै कक्षा १२ को परीक्षा गराउन निर्देशन दिएकी हुन् ।

समितिका सदस्यहरुले स्वास्थ्य मन्त्रालय र शिक्षा मन्त्रालयबीचको समन्वयमा तत्काल परीक्षा गराउनुपर्नेमा जोड दिएका छन् ।

कोरोना संक्रमण जोखिम रहेकाे भन्दै साउन ३१ देखि हुन लागेको परीक्षा स्थगित भएको थियो । सरकारले भने विद्यार्थीलाई काेराेना विरुद्वकाे खाेप लगाएर परीक्षा गराउने तयारी गरेकाे छ ।

फेसबुकबाट तपाईको प्रतिक्रिया सबै
भिडियो सबै