दुई दिनदेखि मुसलेधार पानी परेपछि प्रदेश-२ का नदी खोलामा बाढी

१० भदौ, जनकपुर । दुई दिनदेखि मुसलेधार पानी परेपछि प्रदेश-२ का नदी खोलामा बाढी आएको छ ।

बुधबार बिहानदेखि नै लगातारको भीषण वर्षासँगै प्रदेश-२ का जिल्लामा रहेका कमला,दुधमती,रातो, विग्हि लगायतका नदीमा बाढी आएको स्थानीयवासीले बताएका छन् ।

अविरल वर्षासँगै प्रदेश-२ जिल्लाका सबै नदीमा बाढी आएको छ भने जिल्लाका धेरैजसो ठाउँमा बाढी पस्ने खतरा बढेको स्थानीयवासी बताउँछन् । नदीमा आएको बाढीपछि जिल्लाका नदी छेउछाउका दुई दर्जन बढी गाउँका बासिन्दा त्रसित भएका छन् । उनीहरु बाढीका बेला हुनसक्ने क्षतिविरुद्ध सतर्कता अपनाउनमा जुटेका छन् ।