बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

एमालेले भन्याे- सरकारले दार्चुला घटना थामथुम पार्न खोज्यो

 १७ भाद्र २०७८, बिहीबार  

सुनसरी। नेकपा (एमाले)ले जयसिंह धामी बेपत्ता भएको तुइन घटनाका सम्बन्धमा बुझाइएको प्रतिवेदन अस्पष्ट रहेकाले सत्य तथ्य सार्वजनिक गर्न माग गरेको छ ।

एमालेका प्रवक्ता प्रदीप ज्ञवालीले आज विज्ञप्ति जारी गर्दै घटनाका सम्बन्धमा प्रतिवेदन बुझाइएकोले त्यससम्बन्धी सत्य तथ्य सार्वजनिक गर्न माग गरेका हुन् । उनले दोषीलाई कारबाही र पीडित परिवारलाई न्याय सुनिश्चित गर्न मागसमेत गरेका छन् ।

विज्ञप्तिमा सरकारले घटनालाई थामथुम पार्न र जनताको ध्यान अन्यन्त्र मोड्न खोजेको आशंका बढेको समेत भनिएकाे छ ।‘आफ्ना नागरिक वेपत्ता पारिएको यति संवेदनशील घटनाका सम्बन्धमा भारतीय पक्षसँग जानकारी लिने, सोधपुछ गर्ने र आपत्ति जनाउने सामान्य औपचारिकता र कूटनीतिक पहल गर्न नसक्ने सरकारले नेपाली जनताको ध्यान मोड्न खोजेको आशंका पैदा भएको छ’ विज्ञप्तिमा भनिएको छ ।

गत साउन १५ गते भारतीय सीमा सुरक्षा बल (एसएसबी)का जवानले तुइनको तार फुस्काइदिँदा जयसिंह धामी महाकाली नदीमा खसेका थिए । धामीका सम्बन्धमा गृह मन्त्रालयका सहसचिव जनार्दन गौतमको संयोजकत्वमा गठित छानबिन समितिले यही १५ भदौमा गृह मन्त्री बालकृष्ण खाँणलाई प्रतिवेदन बुझाएको थियो।

फेसबुकबाट तपाईको प्रतिक्रिया सबै
भिडियो सबै