बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

रौतहट प्रहरी प्रमुख पदको जिम्मेवारी सम्हाल्दै एसपि घिमिरे

 २९ भाद्र २०७८, मंगलवार  

रौतहट २९ भदौ । जिल्ला प्रहरी कार्यालय रौतहटमा एसपि विनोद घिमिरे आउनु हुने भएको छ । पत्रकारलाई लागु औषध राखेर फसाउने कार्यमा सँम्लगन रहेकोले रौतहटका एसपि सिद्धिविक्रम शाहलाई अनुसन्धानका लागी प्रहरी प्रधान कार्यालय काठमाडौ तानिएपछि रौतहटका एसपी परिवर्तन गरिएको हो । धेरै दिन देखि प्रहरी प्रमुखको पद खाली रहेकोले प्रहरी महानिरीक्षक शैलेश थापा क्षेत्रीले सोमबार एसपी विनोद घिमिरेलाई रौतहटमा काज सरुवा गर्ने निर्णय गरेका जानकारी दिनु भयो । काज सरुवा हुनु भन्दा अघि घिमिरे जुनियर प्रहरी अधिकृत शिक्षालय भरतपुरमा कार्यरत थिए ।

रौतहटमा सादा पोषाकमा खटिने प्रहरी घुमुवाले लागु औषध राखेर पत्रकारलाई फसाएको घटना छानबिनका लागी काठमाडौँ बोलाइएका शाहलाई जुनियर प्रहरी अधिकृत शिक्षालयमा सरुवा गरिएको जिल्ला प्रहरी कार्यालयका प्रहरी प्रबक्ता नारायण प्रसाद चिमोरियाले बताउनु भयो ।

साउन ३२ मा गौर नगरपालिका–१ बाट पक्राउ परेका ईशनाथ नगरपालिका वडा नम्बर ८ मा बस्ने पत्रकार मो. मोजिबुल्लाह र राजपुर नगरपालिका वडा नम्बर ७ मा बस्ने गुलाब समिम भन्ने शेख अतिउल्लाहलाई प्रहरीले फसाएको आरोप लागेको छ । मोजिबुल्लाहले पार्किङ गरेर राखेको बिआर–३० एस १८८५ नम्बरको भारतीय मोटरसाइकलमा १०५ ट्याब्लेट लागु औषध नाइट्राभेट प्रहरीले ‘प्लटिङ’ गरेको जिल्ला प्रहरी कार्यालय रौतहटले गरेको छानबिनबाट पुष्टि भएको छ ।

लागु औषध नाइट्राभेट राख्ने भूमिकामा रहेका प्रहरी सहायक निरीक्षक ९असई० उदयप्रसाद यादव र जवान मनोज शाहलाई निलम्बन गरिएको छ ।
लागु औषध ‘प्लटिङ’ गरेको आरोपमा प्रहरीले स्थानीय धिरज यादव र जितेशकुमार यादवलाई पक्राउ गरेर अनुसन्धान गरिरहेको छ । घटनामा रौतहटका एसपी सिद्धिविक्रम शाहको भूमिका पनि शङ्कास्पद देखिएपछि हेडक्वार्टरले छानबिन समिति बनाएको थियो । छानबिन टुङ्गिन बाँकी छ । प्रहरीसँग मिलेर लागु औषध राखेर फसाउने भूमिकामा देखिएका पत्रकार महासङ्घ रौतहट शाखाका सह–सचिव सञ्जय शहनी फरार छन् ।

फेसबुकबाट तपाईको प्रतिक्रिया सबै
भिडियो सबै