बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

भारतमा लगेर १३ वर्षीया बालिकालाई बेचेको आरोपमा सुर्खेतबाट एक जना महिला पक्राउ

 २९ भाद्र २०७८, मंगलवार  

सुर्खेत २९ गते मङ्गलबार ।
भारतमा लगेर १३ वर्षीया बालिकालाई बेचेको आरोपमा सुर्खेतबाट एक महिलालाई प्रहरीले नियन्त्रणमा लिएको छ । मानव बेच बिखन गरेको अभियोगमा भेरीगङ्गा नगरपालिका ६ सुर्खेतकी ५० वर्षीया महिलालाई हिरासतमा लिएको जिल्ला प्रहरी कार्यालय सुर्खेतका प्रहरी नायब उपरीक्षक रामप्रसाद घर्तीले जानकारी दिए ।

ती महिलाले २०७१ जेठ १८ गते गुर्भाकोट नगरपालिका वडा नमबर ९ मा बस्ने १३ वर्षीया बालिकालाई जागीर लगाई दिन्छु, भन्दैँ ललाईफकाई भारतको दिल्ली लगी बेचेकी थिइन् ।“विसं २०७१ जेठ १८ गतेको घटनालाई उल्लेख गरेर आरोपित महिला विरुद्ध गुर्भाकोट नगरपालिका ९ का ५८ वर्षीया महिलाले विसं २०७७ माघ २६ गते सुर्खेत जिल्ला प्रहरी कार्यालयमा बालिकालाई बेचबिखन गरेको भनदैँ उजुरी दिएकी थिइन्”, प्रहरी नायब उपरीक्षक घर्तीले बताए ।

जाहेरी परेसंगै खोज तलास गरेपछि, बालिकाको पत्ता लगाउँन नसकेपनि बेचिएको सात वर्षपछि पीडित बालिका भारतबाट यही भदौ २३ गते नेपाल आएकी घर्तीले जनाए ।

प्रहरीका अनुसार पीडित बालिका बेचिएको ठाउँमा १५ महिना बसेपछि, सो स्थानबाट भागेर मुम्बईमा काम गरी सात वर्षपछि स्वदेश फर्केकी छन् ।
पक्राउ परेकी ती आरोपी महिलामाथि यस घटनाबारे थप अनुसन्धान भइरहेको प्रहरीले जनाएको छ ।

 

फेसबुकबाट तपाईको प्रतिक्रिया सबै
भिडियो सबै