बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

यात्रुबाहक बस र विंगर ठोकिँदा १५ जना घाइते, दुईको अवस्था गम्भीर

 १२ आश्विन २०७८, मंगलवार  

कपिलवस्तुको बाणगंगा नगरपालिका–४ जितपुरमा यात्रुबाहक बस र विंगर ठोकिँदा १५ जना घाइते भएका छन्।

रुकुमबाट काठमाडौंतर्फ जाँदै गरेको बा ४ ख २४४८ नम्बरको बस र लु १ ज ३००६ नम्बरको विंगर मंगलवार विहान ६ बजेतिर ठोकिएको इलाका प्रहरी कार्यालय पिपराका प्रहरी निरीक्षक दिनेश गुरुङले बताए। दुर्घटनामा परी घाइते भएकामध्ये २ जनाको अवस्था गम्भीर रहेको उनको भनाइ छ।

घाइतेमध्ये दुई जनाको तिनाउ अस्पतालमा, तीन जनाको लुम्बिनी नर्सिङ होममा तथा एकको भैरहवा आँखा अस्पतालमा उपचार भइरहेको उनले जानकारी दिए। सामान्य घाइते अन्यको भने कपिलवस्तु सामुदायिक अस्पतालमा उपचार भइरहेको र केही डिस्चार्जसमेत भइसकेको उनले बताए।

गम्भीर घाइते हुनेमा विंगर चालक बाणगंगा नगरपालिका ८ का वर्षीय २३ का सुदन क्षेत्री र नाम नखुलेका सहचालकसमेत रहेका छन्।

मोडमा अनियन्त्रित भई दुर्घटना भएको प्रारम्भिक अनुमान गरिए पनि घटनाबारे थप अनुसन्धान जारी रहेको निरीक्षक गुरुङले बताए। नेपाल टाईम्स

फेसबुकबाट तपाईको प्रतिक्रिया सबै
भिडियो सबै