बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

बैंग्लोरलाई हराउँदै कोलकाता क्वालिफायरमा

 २६ आश्विन २०७८, मंगलवार  

एजेन्सी । कोलकाता नाइट राइडर्स इन्डियन प्रिमियर लिग (आइपिएल) को दोस्रो क्वालिफायरमा स्थान बनाउन सफल भएको छ । सोमबार भएको एलिमिनेटरमा रोयल च्यालेन्जर्स बेंगलोरमाथि ४ विकेटको जित हासिल गर्दै कोलकाताले लिगको दोस्रो भागको उच्च लयलाई निरन्तरता दिएको हो ।

बेंगलोरले प्रस्तुत गरेको १ सय ३९ रनको लक्ष्य कोलकाताले २ बल बाँकी रहँदै पूरा गर्न सफल रहयो । कोलकाताको जितमा सुनिल नारायणको १५ बलमा २६ रनको योगदान महत्त्वपूर्ण रहयो । उनले ड्यानीएल क्रिस्टियनले फ्याँकेको १२ औं ओभरमा लगातार ३ छक्का प्रहार गर्दै खेल कोलकाताको पक्षमा तानेका थिए । त्यसबाहेक ओपनर शुभमन गिलले १८ बलमा ४ चौकासहित २९ रन जोडे । अर्का ओपनर वेंकटेश ऐरले ३० बलमा २६ रन तथा नितिश रानाले २५ बलमा २३ रनको योगदान दिएका थिए ।

एक समय ११ ओभरमा ७९-३ को अवस्थामा रहँदा बेंगलोरको खेलमा सम्भावना कायम थियो । तर नारायणले आक्रामक ब्याटिङ गर्दै खेल कोलकाताको पक्षमा तानेका थिए । कप्तान ओइन मोर्गन ५ र शाकिब अल हसन ९ रनमा नटआउट रहे । बेंगलोरका लागि मोहमद सिराज, हर्षल पटेल र युजभेन्द्र चहलले २-२ विकेट लिए ।

त्यसअघि टस जितेर ब्याटिङ रोजेको बेंगलोरले २० ओभरमा ७ विकेट गुमाउँदै १ सय ३८ रन जोडको थियो । टोलीका लागि कप्तान तथा ओपनर विराट कोहलीले सर्वाधिक ३९ रन जोड्नुबाहेक अन्य खेलाडीले उल्लेख्य योगदान दिन सकेनन् । कोहलीले ३३ बलको सामना गर्दै ५ चौका प्रहार गरेका थिए ।

देवदत्त पडिकलले २१, ग्लेन म्याक्स्वेल १५, शहबाज अहमद १३ तथा एबी डे भिलिएर्स ११ रनको योगदान दिँदै पेभेलियन फर्किए । कोलकाताका नारायणले मात्र २१ रन खर्चेर ४ विकेट लिँदा लकी फर्गुसनले २ विकेट हात पारे ।

यस जितसँगै अब कोलकाताले बुधबार हुने दोस्रो क्वालिफायरमा दिल्ली क्यापिटल्सको सामना गर्नेछ । यसअघि आइतबार भएको पहिलो क्वालिफायर खेलमा दिल्ली चेन्नईसँग पराजित भएको थियो । चेन्नईले फाइनलमा स्थान पक्का गरिसकेको छ ।

फेसबुकबाट तपाईको प्रतिक्रिया सबै
भिडियो सबै