बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

दसैं मधेससहित देशभर उल्लासपूर्वक मनाइँदै

 २७ आश्विन २०७८, बुधबार  

आपसी सद्भाव, एकता, उत्साह, उमंगको साझा पर्व दसैं मधेससहित देशभर उल्लासपूर्वक मनाइँदै छ। बेहुली झै सजिएका शक्तिपीठहरुमा पूजाका लागि श्रद्धालुहरुको भीड लागेको छ।

जनकपुरको राजदेवी मन्दिरलाई सिँगारिएर झकिझकाउ बनाइएको छ। वरिपरि रंगीचंगी प्रवेशद्वार निर्माण गरिएको छ भने आकर्षक झाल-फानूस तथा बिजुलीबत्तीले श्रृंगारिएको छ।

महाविर युवा कमिटि पूजा समितिहरु श्रद्धालुहरुको भीड व्यवस्थापनदेखि पूजा सामग्री व्यवस्थापनमा जुटेका छन्। घटस्थापनादेखि नै दैनिक साँझ विहान पूजाका लागि आउने श्रद्धालुको भीड देख्न सकिन्छ। मन्दिर वरिपरि सडकमा रंगीचंगी बेलुनलगायतका सामग्री बेच्नेहरुका कारण मेलाको अनुभूति दिलाउँछ।

दसैंको पहिलो दिन घटस्थापनाका दिन शुद्ध माटो तथा गोबरले घर शुद्ध बनाएर शास्त्रीय विधि अनुसार शुभ मुहूर्तमा घडा स्थापना गरी घडाको नजिक सप्तधान्य (जमरा) बीजारोपण गरिन्छ। जहाँ  नौ दिनसम्म विभिन्न नामले शक्तिको पूजा आराधना गरिन्छ।  ‘दसैं आश्विन शुक्ल प्रतिपदादेखि दशमीका दिनसम्म मनाइन्छ। शैलपुत्री, ब्रहृमचारिणी, चन्द्रघण्टा, कुष्माण्डा, स्कन्दमाता, कात्यायनी, कालरात्री, महागौरी, शिद्धिदात्री गरेर नवदुर्गाको क्रमशः पूजा गर्ने गरिन्छ। विशेष गरेर महाकाली, महालक्ष्मी र महासरस्वतीको आराधना यस पर्वमा गरिन्छ ।

फेसबुकबाट तपाईको प्रतिक्रिया सबै
भिडियो सबै