बेलामा वडा अध्यक्ष साहद्वारा युवाहरूलाई खेलकुद सामाग्री हस्तान्तरण

जनकपुरधाम उपमहानगरपालिका वार्ड नं २३ (बेला) का युवाहरूको खेलकुदमा विकास र महत्व बढाउने उदेश्यले शनिवार एक कार्यक्रम आयोजना गरेर वार्ड नं ७ का वडा अध्यक्ष जानकी राम साहले आफ्नो निजि खर्चले खेलकुद सामाग्रीहरु युवाहरूलाई हस्तान्तरण गर्नु भएको हो।

हस्तान्तरणमा क्रीकेटको समान, ब्याड बल, ब्याडमिन्टन, क्रेमबोर्ड लगायतका खेलकुद सामाग्री हस्तान्तरण गराएका हुन्। यस कार्यक्रममा वडा सदस्य नाजिर हुसेन, विद्यार्थी नेता अमित ठाकुर लगायत युवाहरूको उपस्थिति रहेकोे थियो।

खेलकुदले शारीरिक स्वास्थ्यका साथै मानसिक रुपमा समेत स्वस्थ राख्न मद्धत पुर्याउने हुदा उक्त खेलकुद सामाग्रीले युवाहरूलाई लाभाम्बित हुने वडा अध्यक्ष साहले आशा व्यक्त गर्नुभयो।