धानबाली डुबानमा परेपछि किसान चिन्तित

धनुषा टाईम्स – लगातारको वर्षाले प्रदेश-२ का आठौं जिल्लाको धानबालीमा क्षति पुर्‍याएको  छ। काटेर खेतमै रहेका अवस्थामा धानबाली डुबानमा परेपछि किसान चिन्तित बनेका छन्।

खेतमा पानी जमेपछि काटेको धान डुबानमा परेकोे धनुषाका एक किसानले बताए। ठूलो मिहिनेत र लगानी गरेको धानबाली भित्राउने बेलामा पानीमा डुबेर खेतमा धान झरेर टुसा उम्रिने भएपछि उनीहरु निरास भएका छन्।

केन्द्रका अनुसार यसवर्ष जिल्लाको ६८ हजार हेक्टरमध्ये ६३ हजार हेक्टरमा धान बाली लगाइएको थियो। वर्षाले साथ दिँदा सतप्रतिशत रोपाइँ भएकाले केन्द्रले जिल्लामा धान उत्पादन बढ्ने अनुमान समेत गरेको थियो।

आइतबार रातिदेखि परेको अविरल वर्षाका कारण उत्पादनमा झन्डै २० प्रतिशत क्षति पुग्ने जनाइएको छ। पाकेको धानबालीमा पानी जमेर नष्ट हुँदा किसान मर्कामा परेका छन्।