बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

भीम रावलको राजीनामा सानोतिनो कुरा मात्र हो : ओली

 ६ कार्तिक २०७८, शनिबार  

नेकपा एमालेका अध्यक्ष केपी शर्मा ओलीले १० बुँदे सहमति कार्यान्वयन गर्न बनाइएको कार्यदलबाट उपाध्यक्ष भीम रावलले राजीनामा दिएको विषय ठूलो नभएको प्रतिक्रिया दिएका छन्।

शनिबार एमाले पार्टी कार्यालय थापाथलीमा आयोजित भर्चुअल कार्यक्रममार्फत् देशैभरका वडा तहका अधिवेशनको उद्घाटन गरेर फर्किने क्रममा पत्रकारसँग उनले यस्तो प्रतिक्रिया दिएका हुन्।

उनले भने, ‘उहाँले राजीनामा के को गर्नुभयो? के संयोजन सकिनँ भन्नुभयो। सहजीकरणको संयोजक हुनुहुन्थ्यो। मैले गरेर भएन भन्नु भयो। त्यत्रो ठूलो कुरा पनि होइन। त्यो लिखित पनि होइन। स्वीकार्य पनि होइन। अस्वीकार्य पनि होइन। केही पनि होइन।’

उनले दश बुँदे सहमितमा केही बाँकी रहेको कुरा समाधान हुने पनि बताए। उनले एमालेमा दश भाइ वा अन्य केही भन्ने कुरै नभएको भन्दै एमाले एकढिक्का रहेको दाबी गरे।

शुक्रबारको स्थायी कमिटी बैठकमा पाँचपृष्ठ लामो फरक मत राख्दै १० बुँदे सहमति कार्यान्वयन कार्यदलका संयाेजक रावलले संयोजक र सदस्य समेत नरहनेगरि राजीनामा दिएको बताएका थिए।

फेसबुकबाट तपाईको प्रतिक्रिया सबै
भिडियो सबै