रहनुमाय मुस्लिम बोर्डद्वारा एक गरिब परिवारमा नगद रु.१ लाख २० हजार सहयोग

धनुषा – रहनुमाय मुस्लिम बोर्ड दोहा-कतारद्वारा एक गरिब परिवारमा नगद रु.१ लाख २० हजार सहयोग गरिएको छ।

धनुषाको सहिदनगर नगरपालिका वार्ड नम्बर ८ बिसरभोरा टोलमा बस्ने अमिर नदाफकी छोरी अन्दाजी ३५ वर्ष सबनम खातुन बिरामीले निधन भएकी थिइन्।

निधन भएकी खातुनको एक छोरा १ वर्ष र एक छोरी ५ वर्षकि थिइन्। छोरा छोरीको स्वास्थ्य,शिक्षा र पोषणमा सहयोग पुग्ने उद्देश्यले रहनुमाय मुस्लिम बोर्ड दोहा-कतारद्वारा तारिख 2021/10/20 को दिन नगद रु.१ लाख २० हजार सहयोग गरिएको हो।

आर्थिक नगद हस्तान्तरण गर्दा हाफिज लाल मोहम्मदको अध्यक्षता रहेकोे थियो। भने सुरेश खर्गा यादव, ताहिर राइन लगायत १ दर्जन भन्दा बढी समाजसेवी, स्थानीय अगुवाहरुको उपस्थिति रहेकोे थियो।

यता सहयोगीदाता मो. अलिहुसेन र जमिर नदाफको अगुवाइमा कलामुदिन राइन, अजाद मन्सुर,अमिरुल राइन सदाम राइन इमरान खान अजिम राइन असलम, इसुफ, मोनाजिर लगायत जम्मा ६२ जनाको सहयोगमा रु.१ लाख २० हजार कलेक्सन भएको थियो।