बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

माधव नेपाल भन्छन् : ओलिले झुठा र हसाउने काम मात्र गरेको गिनिज बुकमा हुनुपर्छ

 ९ कार्तिक २०७८, मंगलवार  

नेपाल कम्युनिष्ट पार्टी (एकीकृत समाजवादी)का अध्यक्ष एवं पूर्व प्रधानमन्त्री माधवकुमार नेपालले ओलीले गफबाहेक विकासका अरु कुनै पनि काम नगरेको आरोप लगाएका छन्। मंगलबार सर्लाहीको हरिवनमा आयोजित पत्रकार सम्मेलनमा बोल्दै ओलिले काम केही नगरेको र झुठा र हसाउने काम मात्र गरेको बताएका हुन् ।

उनले गिनिज बुकमा ओलीको नाम ‘गफाडी प्रधानमन्त्री नम्बर एक’ भनेर लेखिने कुरा बताए । दुई तिहाई बहुमत भएको पार्टीलाई केपी ओलीले विभाजनको दिशामा लगेको नेपालले आरोप लगाए।

आफूहरुले नेताभन्दा नीति, पार्टी र विधिलाई मान्यता दिएको उनले बताए। उनले ओलीले पार्टी नेताका इशारामा चल्ने संस्था ठानेको बताउँदै भने, ‘दक्षिणपन्थी शक्तिसँग साठगाँठ गर्नुभयो। हामीले बामपन्थी र लोकतान्त्रिक शक्तिसँग एकता गर्यौं। ओली संविधानको हत्या गर्ने कार्यमा जुट्नु भयो। हामी संविधान बचाउने काममा जुट्यौं। हामीले देशभक्तिको झण्डा बुलन्द गर्यौं। उहाँले आत्मसमपर्ण र लम्पसारवादको नीति अपनाउनु भयो।भष्ट्रचार र सबै खालका अनुचित कार्यहरु गरेर सरकार संचालन गर्नुभयो। ,

देशमा आफूहरूले विद्रोहको राँको बालेको दावी गर्दै नेपालले राँको लिएर आफूहरु देश दौडाहामा लागेको बताए। उनले भने, ‘नेपालको राजनीतिक इतिहासमा अहिले विद्रोहको झिल्को बलेको छ। कम्युनिष्ट आन्दोलनको शिर ठाडो पारेर समाजवादी अगाडि बढेको छ। नेपाली जनताको परिवर्तनको चाहना पूरा गर्नका लागि समाजवादी अगाडि बढेको छ ।’

उनले समाजवादी पार्टीले क्रान्तिकारी विरासतलाई बोकेको दावी गरेका छन्।  नेपालले अर्को प्रसंगमा केपी ओलीको पार्टीसँग कुनै पनि हालतमा एकता नहुने दावीसमेत गरे।

 

फेसबुकबाट तपाईको प्रतिक्रिया सबै
भिडियो सबै