बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

एक वृद्धको मृत शरीर फेला

 १० कार्तिक २०७८, बुधबार  

हराएको दुई दिनपछि उदयपुरका एक वृद्धको मृत शरीर फेला परेको छ। दुई दिनअघि अचानक घरबाट हराएर सम्पर्कविहीन भएका सदरमुकाम त्रियुगा नगरपालिका १२ डीएमगेटका ७८ वर्षीय खड्गबहादुर विश्वकर्माको शव फेला परेको हो ।

शनिबारदेखि हराएका उनको खोजी भईरहेका बेला सोमबार साँझ त्रियुगा नदी किनारमा मृत अवस्थामा फेला परेको परिवारलाई उद्धृत गर्दै प्रहरीले जनाएको छ। त्रियुगा नगरपालिका १३ पोर्ताहस्थित त्रियुगा नदी किनारमा बेवारिसे शव भेटिएपछि स्थानीयले प्रहरीलाई खवर गरेका थिए।

स्थानीयको रिपोर्ट अनुसार जिल्ला प्रहरी कार्यालय उदयपुरबाट टोली घट्नास्थल पुगेर शव हेर्दा विश्वकर्माको पुष्टि भएको जनाएको छ। स्थानीयका अनुसार शव नदीले बगाएर त्यहाँसम्म पुर्‍याएको हो। विश्वकर्माको शव घरदेखि झण्डै ६ किलोमिटर टाढा पर्ने प्रहरीले जनाएको छ।

प्रहरीले सोमबारै घट्नास्थलको सर्जमिन मुचुल्का गरी शव पोष्टमार्टमका लागि जिल्ला अस्पताल पठाइएको थियो। पोष्टर्माटमपछि विश्वकर्माको अन्त्यष्ठि गरिसकेको जिल्ला प्रहरी प्रवक्ता डिएसपी बेदप्रसाद गौतमले बताएका छन्।

फेसबुकबाट तपाईको प्रतिक्रिया सबै
भिडियो सबै