बलवा नगरपालिकामा शिक्षा र स्वास्थ्यको अवस्था अलपत्र – मक्सुद सेख || काठमाडौंको वायु फेरि ‘अस्वस्थकर’ || नाराबाजीका बीच प्रधानमन्त्रीले पाए विश्वासको मत || विकास : बलवाको वडा ९,१० र ११ मा विभेद – पोलिटेक्निकल यहीँ स्थापित गर्न आग्रह || विदेशी हस्तक्षेपको अन्त्य हुनुपर्छ : महासचिव पोख्रेल ||

शिक्षा, स्वास्थ्य क्षेत्रमा कतारको बढी सहयोग – कतार सरकारले फेरि नेपाललाई दिए ५० भेन्टिलेटर

 १५ मंसिर २०७८, बुधबार  

कतार सरकारले नेपाललाई ५० भेन्टिलेटर सहयोग गरेको छ। कतारका आमिर शेख तामिम बिन हमाद अल थानीले कोरोना महामारीसँग जुध्न ती स्वास्थ्य सामग्री उपलब्ध गराउन दिएको आदेश बमोजिम नेपाललाई सहयोग गरिएको काठमाडौंस्थित कतारी राजदूतावासले जनाएको छ।

‘कतार फन्ड फर डेभलपमेन्ट’ले ती स्वास्थ्य सामग्री उपलब्ध गराएको बताइएको छ। भेन्टिलेटर सहितका स्वास्थ्य सामग्री नेपालका लागि कतारी राजदूतावासका कन्सुलर नासर बिन घानिम अल–घानिम अल–मादिदले स्वास्थ्य मन्त्रालयका सहसचिव पवनजंग रायमाझीलाई हस्तान्तरण गरेका हुन्।

यसअघि पनि कतार सरकारले नेपाललाई चार्टर्ड फ्लाइटमार्फत स्वास्थ्य सामग्री पठाएको थियो। त्यस्तै, कोभ्याक्स कार्यक्रममार्फत कोरोनाविरुद्धको खोप ओसारेको थियो।

कतारले नेपालको शिक्षा, स्वास्थ्य लगायत क्षेत्रमा सहयोग गर्दै आएको छ। भूकम्प र कोरोना महामारी जस्ता विपत्का बेला उसले नेपाललाई सहयोग गर्दै आएको छ।

कतार नेपाली श्रमिकको दोस्रो ठूलो श्रम गन्तव्य पनि हो। अहिले पनि करिब चार लाख नेपाली कतारमा कार्यरत रहेको अनुमान गरिन्छ।

 

फेसबुकबाट तपाईको प्रतिक्रिया सबै
भिडियो सबै