देवरा-रुपैठामा वडा सम्मेलनबाट एमालेको नेतृत्व सर्वसम्मतिले चयन

जनकपुरधाम : नेकपा एमालेले वडा सम्मेलन गरी देवरा रुपैठाको नेतृत्व सर्वसम्मतिले चयन गरेको छ ।

नेकपा (एमाले) जिल्ला तथा प्रदेश कमिटीले जनकपुरधाम उपमहानगरपालिका वडा नं. २० मा भएको वडा सम्मेलनबाट पदाधिकारी छनोट गरेको हो ।

सोही अनुसार वडा अध्यक्षमा सत्यनारायण साह, उपसभापतिमा वाहिद कावाडी र राजकिशोर महतो र सचिवमा जाबिर राइनसहित १३ सदस्य सर्वसम्मतिले निर्वाचित भएका छन् ।

एमाले प्रदेश २ कमिटी सदस्य हाकिम राइनको प्रमुख अतिथिमा वडा सम्मेलन भएको थियो । उनले एमाले देशको पहिलो शक्ति भएको बताउँदै आगामी निर्वाचनमा पनि त्यही तहमा बलियो बहुमत ल्याउने विश्वास व्यक्त गरे । यस्तै अतिथिमा एमालेका प्रदेश २ कमिटी सदस्य मो. कैस राइन र शिव शंकार उपस्थिति रहेकोे थियो।